Bizness Park Abşeron özəl sənaye məhəlləsi statusu çərçivəsində rezidentlər üçün investisiya və istehsal fəaliyyətini stimullaşdıran əlverişli biznes mühiti yaradır. Parkda fəaliyyət göstərən şirkətlər mövcud təşviq mexanizmləri əsasında vergi və gömrük üstünlüklərindən yararlanmaq imkanına malik ola bilərlər.

Bu üstünlüklər əməliyyat xərclərinin azaldılmasına, kapital qoyuluşlarının daha səmərəli planlaşdırılmasına və istehsal proseslərinin sürətləndirilməsinə xidmət edir.

Nəticə : daha aşağı xərclər, daha sürətli start, daha rəqabətli istehsal.

Vergi üstünlükləri (müvafiq şərtlər daxilində)

Rezidentlər üçün aşağıdakı vergi güzəştləri mümkün ola bilər:

• Mənfəət vergisi üzrə 50%-dək güzəşt
• Fiziki şəxslər üçün gəlir vergisi üzrə güzəştli tətbiq imkanları
• Torpaq vergisi üzrə azadolma mexanizmləri
• Əmlak vergisi üzrə güzəştli rejimlər

Bu üstünlüklər biznesin ilkin mərhələsində sərbəst maliyyə resurslarının istehsal və inkişaf istiqamətlərinə yönəldilməsinə şərait yaradır.

Gömrük və ƏDV üstünlükləri

İstehsal üçün real xərc qənaəti

İstehsal yönümlü fəaliyyətləri dəstəkləmək məqsədilə rezidentlər üçün aşağıdakı gömrük mexanizmləri tətbiq oluna bilər:

İstehsal məqsədləri üçün idxal edilən:

• texnika
• texnoloji avadanlıqlar
• istehsal qurğuları

üzrə idxal gömrük rüsumundan 100% azadolma

• Həmin avadanlıqların idxalı zamanı Əlavə dəyər vergisi (ƏDV) üzrə 100% güzəşt
• Gömrük rəsmiləşdirilməsi proseslərinin daha çevik və operativ təşkili

Bu mexanizmlər istehsal infrastrukturunun qurulması mərhələsində kapital xərclərinin ciddi şəkildə optimallaşdırılmasına imkan verir.

Güzəştlər necə tətbiq olunur?

Vergi və gömrük üstünlükləri aşağıdakı əsas meyarlar əsasında formalaşır:

• rezidentlik statusu
• investisiya təşviqi mexanizmləri
• investisiya layihəsinin həcmi və istiqaməti

Konkret güzəştlər mövcud qanunvericiliyə uyğun olaraq tətbiq olunan normativ mexanizmlər çərçivəsində həyata keçirilir.

Bizness Park Abşeron-un rezidentlərə dəstəyi

Park rezidentlər üçün aşağıdakı istiqamətlər üzrə dəstək mexanizmləri təqdim edir:

• mövcud təşviq imkanları barədə ilkin məlumatlandırma
• vergi və gömrük mexanizmləri üzrə istiqamətləndirmə
• müvafiq qurumlarla koordinasiya proseslərində dəstək

Bu dəstək mexanizmləri biznesin daha sürətli və rahat şəkildə fəaliyyətə başlamasına şərait yaradır.